A Vila do Carballiño

O primeiro conctacto co concello do Carballiño é a propia vila do Carballiño.

Todo turista debe percorrer as súas principais rúas ata a Praza Maior, onde se atopa a Casa do  Concello e o monumento á figura da pulpeira, mostrando a alta vinculación deste concello ao pulpo e a esta profesión.

Na parte máis céntrica descubirá a Igrexa de San Cibrán ou “Igrexa Vella” e deberá seguir percorrendo a vila ata a Alameda, onde se atopa a Oficina de Turismo e un espazo de lecer infantil.

Parada obrigada é a Praza da Veracruz, co templo do mesmo nome, sendo un dos reclamos turísticos principais da vila pola súa arquitectura singular.

Xa na parte menos céntrica poderemos visitar as zonas máis verdes, os xardíns do Gran Balneario do Carballiño e o gran Parque Municipal, de máis de 32 hectáreas e lugar onde se celebra a festa máis famosa deste concello, A Festa do Pulpo do Carballiño.