Sendeiro do Arenteiro

A senda do Arenteiro (PR-G 79) levaranos desde o Parque Municipal do Carballiño até o Conxunto Histórico- Artístico de Pazos de Arenteiro. A través del, achegarémonos a distintos lugares de gran interese patrimonial. A ruta comeza precisamente na área Etnográfica do Arenteiro, na marxe esquerda do río Arenteiro, e xunto ao río percorreremos o primeiro tramo, mediante pasarelas e escaleiras de madeira e posteriormente por unha senda fluvial. A ruta continúa xa fose do Parque Etnográfico até Pazos de Arenteiro. Este carreiro atópase perfectamente sinalizado con sinais de madeira, coas indicacións de carreiro de curto percorrido, reforzadas con carteis específicos e marcaxe con frechas amarelas no chan e en distintos puntos do percorrido.